1. تحضير الشعر والماسك

• خدي معلقة كبيرة (أو حسب طول شعرك) من المعجون وحطيها في طبق صغير.
• ضيفي عليها شويه مية مغلية بالتدريج، وقلبي كويس لحد ما تحصلي على قوام "كريمي" سهل الفرد (زي قوام الزبادي).
• سيبي الخليط يهدى ويبقى دافي (متستخدميهوش وهو سخن نار).
• شعر مندي: يفضل شعرك يكون مبلول بسيط (مندي) ونضيف.لانه بتسهل توزيع الماسك .
• تسليك الشعر: سلكي شعرك بفرشاة واسعة قبل ما تبدأي عشان تمنعي التكسر.

2. توزيع الماسك (التركيز على الفروة)

• قسمي شعرك خصلات.
• خدي كمية من المعجون ودلكي بيها فروة الراس كويس جداً بأطراف صوابعك. التدليك هنا مهم عشان "زيت الروزماري والخروع الجمايكي" يبدأوا يشتغلوا على البصيلات.
• الباقي من المعجون وزعيه على طول الشعر وأطرافه عشان "اللوز الحلو والسمسم" يرطبوا الشعرة ويمنعوا التقصف.

3. وقت الانتظار (المدة المثالية)

• غطي شعرك بـ "بونيه" بلاستيك أو كلينج فيلم.
• سيبي الماسك على شعرك من ساعة بالكتير.
• نصيحة: بلاش تسيبيه أكتر من كده لأن السدر لما بينشف زيادة بيبقى صعب في الغسيل وممكن يشد رطوبة الشعر.

4. طريقة الغسيل (الأهم)

• الشطف المبدئي: قبل ما تحطي شامبو، نزلي كل المعجون تحت مية جارية دافية. السدر هينزل بسهولة مع المية.
• الشامبو: استخدمي كمية صغيرة من الشامبو على الفروة بس عشان تنظفي آثار الزيوت، والرغوة وهي نازلة هتنظف الأطراف.
• الترطيب النهائي: لازم وضروري تستخدمي بلسم (Conditioner) أو حمام كريم مرطب على "أطراف الشعر" فقط بعد الغسيل، عشان السدر  ممكن يخلى الشعرة "ناشفة" شوية في الأول.

جدول الاستخدام:

• لأفضل نتيجة: استخدمي الخلطة دي مرة واحدة في الأسبوع بانتظام.
• النتيجة: هتلاحظي فرق في اللمعة والقوة من أول مرة، والإنبات (البيبي هير) بيبدأ يظهر بوضوح بعد شهر من الاستمرار.