واحد من العطور الأيقونية اللي قدرت تجمع بين الفخامة الكلاسيكية والجاذبية الهادية  نقدر نسميه "عطر الشياكة الهادية "

• ناعم وبودري: أول ما ترشيه هتحسي بنعومة رهيبة، كأنك لسه خارجة من الشاور وحاطة لوشن غالي أو بودرة تلج شيك جداً. ده بسبب وجود "زهرة السوسن" اللي بتديله ملمس ناعم زي الحرير.
• أنثوي جداً: الأنوثة فيه مش "دلع بنات" صغيرين، لأ.. دي أنوثة "ست هانم". ريحة الورد مع الخوخ بتديكي إحساس بالرقي والهدوء.
• دافي ومخملي: لما العطر يهدى على جسمك، بتبدأ تظهر ريحة "خشب الكشمير والفانيليا". الإحساس ده بيديكي دفا بيخليكي عايزة تشمي نفسك كل شوية، وبيبقى حلو جداً في الجو الرايق أو الخريف والشتا.
• مثير بس "بأدب": هو مش من العطور الفاقعة اللي بتقلب الدنيا، هو عطر "قريب". يعني اللي يقرب منك بس هو اللي هيتفتن بالريحة. إثارته جاية من إنه بيختلط بريحة الجلد الطبيعية فبيبان كأنه ريحة جسمك إنتي مش مجرد برفان حطاه.