(إزاي تخلي العطر أقوى) .. السر  فى "التعتيق"

لو لسه شارية الإزازة و حاسة إن ريحتها خفيفة أو الثبات مش قد كدة ، التعتيق هو الحل، وطريقته كالتالي:

• رشي منها: أول ما تفتحي الإزازة الجديدة، رشي منها 5 أو 6 رشات عشان تدخلي "أكسجين" جوه الإزازة، وده بيبدأ عملية التفاعل.
• المكان الضلمة: شيلي الإزازة في علبتها الكرتون، وحطيها في مكان ضلمة تماماً (زي درج الكومودينو أو الدولاب).
• ابعدي عن الرطوبة: أكبر غلط هو حط البرفان في الحمام؛ الرطوبة والحرارة بيبوظوا زيت العطر.
• درجة الحرارة: لازم يكون مكان بارد أو معتدل، وابعدي تماماً عن ضوء الشمس أو حرارة المطبخ.
• الوقت: سيبيها "تتعتّق" في الضلمة دي لمدة أسبوعين لـ شهر. هتلاحظي بعد كدة إن اللون ممكن يغمق سيكا، والريحة بقت أتقل وأثبت بكتير.