1. ماسك الطول: اعجني 3 ملاعق بمية دافية؛ حطيه من الجذور للأطراف (20 دقيقة لـ ساعة) واشطفيه.
2. كورس المكثف (للصلع والفراغات): اخلطي معلقة مشاط + معلقة سدر + زبادي وزيت. دلكي بها الفروة واشطفيها.
3. مع الحنة: ضيفي معلقتين مشاط لخلطة حنتك وسيبيهم ساعة. (بيزود اللون ويمنع الجفاف).
4. سبراي يومي (بديل الغسل): انقعي معلقة في مية مغلية وصفّيها؛ رشي الفروة يومياً قبل النوم (بدون غسل).
5. حمام زيت: انقعي معلقتين مشاط في كوب زيت (سمسم أو لوز) لمدة أسبوع؛ استخدميه كحمام زيت قبل الشاور بساعة.
6. شطفة التعطير: ذوبي معلقة في لتر مية واشطفي بها شعرك شطفة أخيرة بعد الشامبو.

إزاي تغسلي المشاط صح (من غير ما يلزق):

1. الشطف الأولي: قبل الشامبو، نزلي شعرك تحت مية جارية دافية و"نفضي" الأعشاب بإيدك لحد ما أغلبها ينزل.
2. حمام كريم/بلسم أولاً: لو شعرك متشابك، حطي بلسم على الأطراف وفكّي التشابك بإيدك "قبل" الشامبو، ده بيزحلق الحبيبات لبرة.
3. الشامبو: اغسلي الفروة بس، والرغوة وهي نازلة هتنظف باقي الشعر.

نصائح عشان الماسك ميلزقش:

• التصفية: لو هتستخدمي المشاط "سايل"، صفّيه بشاش ناعم جداً أو "شراب فيل" عشان تاخدي الخلاصة بدون التفل.
• تريكة الزيت: ضيفي "معلقة زيت" (أرجان أو جوجوبا) للعجينة؛ الزيت بيعمل غلاف بيمنع الأعشاب تلزق في الشعرة.
• لا للجفاف: متسبيش الماسك ينشف تماماً على شعرك (ساعة كفاية جداً)، الغسيل والماسك "طري" أسهل بكتير.
• القوام الصح: خلي العجينة "سايلة شوية" مش عجينة تقيلة، ده بيخليها تنزل مع المية فوراً.