1- ماسك السدر المعجون بالزيوت الهندية

- خدي معلقة كبيرة من الماسك وضيفي عليها كمية مناسبة من الماء الدافئ وقلّبي كويس.
- وزّعي الماسك على فروة الرأس والشعر.
- اغسلي شعرك كويس بعد 30 دقيقة .
- استخدميه مرة واحدة في الأسبوع.

2- صابونة الروزماري والنعناع

- بلّلي شعرك بمية فاترة.
- رغّي الصابونة بين إيديكي ووزّعي الرغوة على فروة الرأس، بشرط إنها تكون مخصصة لغسيل الشعر.
- دلّكي فروة رأسك بلطف بأطراف صوابعك، وبعدها اشطفي كويس.

3- حمام كريم الجرجير والسمسم وحبة البركة

- بعد غسل الشعر، وزّعي كمية مناسبة من حمام الكريم على طول الشعر والأطراف.
- سيبيه 20 دقيقة علي شعرك .
- اشطفي شعرك كويس بمية فاترة.

4- زيت بذور العنب

- بعد غسل الشعر، حطي كام نقطة على أطراف شعرك وهو رطب شوية.
- وزّعي الزيت بإيديكي لتقليل الهيشان وإضافة لمعة طبيعية.
- ممكن تستخدمي كمية بسيطة وقت اللزوم بين الغسلات.

5- زبدة الشيا الخام

- خدي معلقة صغيرة من الزبدة ومعلقتين كبار من أي زيت تحبية ودفّيها علي حمام مائي أو في الميكر ويف لحد ما تسيح.
- وزّعيها على الأطراف الجافة، وركّزي على الأماكن اللي محتاجة ترطيب زيادة.
- استخدميها ك حمام مرطب لشعرك مرة في الأسبوع.

ملحوظة: مش لازم تستخدمي المنتجات الخمسة كل يوم. ماسك السدر مرة أسبوعيًا، وباقي المنتجات حسب مواعيد غسيل شعرك واحتياجه للترطيب. 🤎